2015年10月22日 星期四

生仔博入籍

生仔博入籍

最近有個台灣女人,在飛往美國航機上臨盆,誕下嬰兒。

網上反應好快,首先係溫情敘述,講班空姐點樣齊心合力,幫小BB出生;不過冇幾耐,就有講原來該婦人一心係去美國生仔,BB急不及待要出時,她反覆問機組人員「而家到咗美國領空未?」

到咗又點?未到又點?講到尾佢唔係緊張個BB,而係「美國」。

航機着陸後,美國阿拉斯加州政府聲明,該BB在美國領空誕生,依法係美國公民,婦人得償所願矣。

網友鬧爆。


好多香港鬧特登去香港生仔的大陸女人,話佢地逼爆香港公立醫院,有D仲生完鬆人,拖欠醫藥費;有錢的大陸女人,就專程去香港私家醫院生仔,搶貴晒D病床,其中有所謂一條龍服務公司包搞掂。他們為乜嘢?好明顯,令到個BB有香港出世紙,將來有香港身份證,享受香港的免費教育。

美國那邊,大城市華人聚居的區域內,出現很多用旅遊簽証入境,待產和產後坐月的大陸女人。很多香港網友分享新聞之餘,又係罵聲不絕。

「生仔博入籍」,父母等BB長大之後,申請埋佢地入外國籍的計仔,其實香港人都一早識得玩,我自己都識幾個朋友都係咁。佢地計劃不知幾周詳:年中懷孕,申請定簽證,冬季時穿著闊大厚衫去美加,遮遮掩掩不被那邊移民官員看出,到步後在邊個親戚朋友家落腳,部署定去邊間醫院生仔.....所以來講,香港人,咪一樣!

香港著名專欄作家古鎮煌,二十多年前就係明報,教人走精便移民外國,其中有些文章,就係講呢一招。佢宣揚蠱惑招數,仲直頭好似理所當然、「嗱,教精你地啦」咁,可以用恬不知恥來形容。

講多無謂,我就掃描幾頁出來俾大家睇下(原文:「金錢遊戲」, 明報周刊叢書, 1989)。




。。。。。。。。。。。。。。。。。。。。。。。。。
*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*

(文章允許轉貼,請具作者名字:梁煥松)

2 則留言:

  1. 梁兄
    其實航空公司真係無法截到呢的大肚婆 不比佢的上機 ?
    其實那個大肚婦人算幸運 降落阿拉斯加天氣好 視野清 如遇着惡劣天氣 不能急落阿拉斯加或附近機場就危險
    機長要決定是否為着這婦人要機上三百多乘客有生命危險 情節勍和拜託機長第一集內容一 樣 阿拉斯加 及附近機場天氣惡劣 視野不清 要去到san franciso才可降落 但因太遲救援 失血太多 最後只救到個bb機長太太死了
    為了個美國護照 居留權 真是值得咁做咩 其實台灣人而比我們好 去美國不用visa 而佢同老美咁好關係 去到延期居留應該不難辦到的!

    回覆刪除
  2. 我倒覺得,其實他用上「偉大的母親」是在諷刺,他也寫過「聰明香港人」打尖的事。你說他介紹這樣的做法是事實,但他是否欣賞就另作別論了。(而他自己好像是不生仔的)

    回覆刪除